Өткен апта 28-29 мамыр күндері Алматыда «Мінбер» журналистерді қолдау орталығы «Қазақтілді БАҚ тәжірибесіне жаңа медиа технологияларын енгізу» атты екі күндік семинар-тренинг өткізді. Сол семинар-тренингке қатыстым және Кездесу.кз қолданушылары бір жерге жиналып, кездестік. Сол Кездесуді Асхат Еркімбай видеоға түсірген еді.

Ал фотолар мына жерде

Жақында Arhar.kz сайтына берген сұхбатым шықты. Оқымағандар болса осы жерден бөлісейін.

Шүкір, Қазақ интернетінің даму деңгейі жақсы. «Абай» порталы, «Аламан» спорттық порталы, «Намыс», «Замандас», «Қазақия кітабы», «Мінбер» сынды интернет ресурстар қазір көш басында. Соңғы жылдары интернет сайттарының дизайнын жасап көпшілікке танылып жүрген веб дизайнер Аршат Оразовпен сұхбаттасқан едік.

Сайттарға дизайн жасаумен қашаннан бері айналысып журсіз? Кайдан үйрендіңіз?
Сайт жасаумен студент кезден айналысамын, дәлірек айтқанда 1999 жылдан бері. Өз бетіммен үйрендім. Ол кезде қазақша сайттар жоқ болатын, қазақша неге жасап көрмеске деген қызығушылықпен басталды. Ал негізгі мамандығым туризм және қонақүй менеджері. Бірақ кәсібім сайт жасау болып кетті.
Толығырақ оқу »

Өткен апта іске қосылған соңғы жұмысымыз “Мұқағали журналының” сайтын Қазнеттегі танымал эксперт Ляхов өзінің “Горячие блины Казнета” жобасында атап өтіпті. Жәй ғана атап өту емес, басты блин ретінде яғни қара уылдырық қосылған блин ретінде көрсетіпті. Бұл Ерлан екеуіміз үшін үлкен мақтаныш. Сол қуанышымызды бөлісіп жіберейін дедім.

Иә, дизайн сәтті таңдалып, жақсы редакцияланды. Бірақ сайттың болашағы қалай болатынын білмеймін. Журнал басшылары интернеттен алыстау болса керек, басында сайт адресі mukagalijurnaly.kz болсын деді. Өйткені mail.ru-дағы адрестері сондай екен. Сосын дизайны ұнамай қалды, блокнот сияқты екен деді. Олардың ойынша Жасалаш, Айқын, Абай кизет сияқты “грандтардың” өткен ғасырда король болған PHP-Nuke стиліндегі шаблондарындай болуы керек екен. Біз доменді де қысқаша болуына және осындай дизайнды қалдыруға көндірдік. Енді тек ішкі контенті уайым болып отыр. Журнал редакциясы мазмұнына көп көңіл бөліп, алдағы уақытта Қазнеттегі пайдалы ресурстардың бірі болуын тілеймін.

Ақпараттандыру және байланыс агенттігінің бұрынғы басшысы Қуанышбек Есекеев сәуір айында Қазақстандағы алғашқы қоғамдық желі ашылатынын мәлімдеген болатын. Шамамен 100 мың қолданушыға арналған бұл жоба 3 түрлі бағытта болмақшы. Атап айтқанда балаларға, сыныптастарға және қызығушылықтарына қарай 3 бөлімге бөлінбекші. Сонымен қатар ресейлік танымал пошта қызметі Mail.ru және осы жүйеге байланысты басқа қызметтер атап айтқанда Моймир қоғамдық желісі, Files.Mail.ru құжат алмасу жүйесі, Аудио, Видео және Фото бөлімдері бұдан кейін қазақстандық қолданушы үшін қолжетімді болмайтын болды. Қазақтелеком және басқа провайдерлер арқылы бұл қызметтерді пайдалану мүмкін болмайды. Бұның басты себебі ретінде Mail.ru басшылығына бірнеше рет ескертілгенімен пошта қызметінде қазақ әріптерінің оқылмауы болып отыр. Сондай-ақ өткен жылы осы қоғамдық желі арқылы ғаламторға тұлғалардың жеке өміріне нұқсан келтіретін және арандату мақсатынша шығарылған бейнематериалдар тарап кеткен болатын. Осылайша Mail.ru өз қолданушыларының 34 пайызын құрайтын қазақстандық қолданушыларынан айрылғалы тұр.
Сонымен қатар интернет алпауыттарының бірі Google да өзінің қоғамдық желісін ұсынбақшы. Google осы жылдың басында Buzz деп аталатын микроблоггинг жүйесін іске қосқан еді, ол қазір танымал Twitter жүйесінің басты қарсыласы болып отыр.

Ертай досым Жаңа жылдың алдында мындай сұрақ жіберіпті:

Жана жыл дегенде кандай устанымда боларымды билмей дал болам!
Бир топ “жана жыл християндар мерекеси. Мусылмандарга тойлауга рухсат етилмейді” дегенди айтады. Жане негизсиз соз емес!
Енди бир топ “Калай айтсак та жылдын аякталып жатканы рас. Жане жана жылдын табалдырыкты аттап киргенли турганы да рас. Сондыктан адам келер жылды куанышпен карсы алу керек” дегенди алга тартады… Бул да отирик емес!

Озиме келер болсамб ес билгели уиимизге жасыл шырша орнатып, айрыкша ман болип карсы алып келемиз…

Дал казирги уакытта мерекелердин тореси деп айта алмаймын… Маган жыл ауысып, жана сандардын тизиле калары конилиме тагы бир жылга есеип, тагы бир жылга омиримиз кыскарды … деген ойлар келеди…

Жана жылды жаксы ниетте карсы алган жаман емес шыгар?!
Ал наурызымыздын орны кайда калды?

Осы туралы бир созбен туйин айта аласыз ба?

Жауабымды кеш болса да осы жерге жазайын:

Жаңа жыл келе жатқан кезде және Наурыз жақындағанда қазақ БАҚы және интернеті жыл сайын шулайды. Бұл дәстүр болып кеткен. Жыл сайын жалықпай осыны жаза береді, жаза береді. Бәрібір Жаңа жыл тойлана береді, тойлана береді. Өйткені бәрібір сол күнтізбемен өмір сүріп келеміз, қазақ күнтізбесімен емес. Сондықтан өзім үшін айтар болсам, Жаңа жылды атап өтемін. Жаңа жыл өйткені жаңа жыл. Өткен жыл аяқталып, қортындылар шығарылып келе жатқан жаңа жылға жаңа жоспарлар құрып, үміт күтесің. Ал Наурыз туралы бұрын да жаздым бірнеше жерде, біз Батыс Қазақстанның біраз бөлігі Наурызды бұрыннан бері тойлап келеміз. Бізде ол 14 наурызда тойланады. Совет үкіметі кезінде де солай. Бала кезімізде осы күнді асыға күтіп, таңертең тұра салысымен алдымен үйдегілермен көрісіп шығып, сосын көрші-көлемді аралап келетінбіз. Үлкендер де үйге кіріп көрісіп шыққан балаларға алдын ала тәттілерін дайындап қояды. Бізде Көрісу деп аталады бұл. Ал сендер тойлап жүрген Наурыз кейін шыққан нәрсе ғой 1991ден кейін. Сондықтан болар басқаларға қатты ыстық көрінетіні, тәуелсіздікпен келді деп. Ал бізде бұрыннан бар болғасын өзіміздің Наурызымыз ыстығырақ.

P.S Жаңа жылды отбасыммен қарсы алдым. Әдеттегідей концерт қараумен өтті уақыт. Хабардың бағдарламасы өте нашар болды. Шаншардағы қыз бен екі клоунды жюри ма бірдеме қылып қойған, сосын басқалары келіп солардың алдында концерт қояды. Түк қызық емес, сценарист у ішіп өлгені дұрыс. Қазақстан каналынікі жақсы болды. Хабарды Назарбаев сөйлеген кезде бір рет қостым. Қалған уақыт орыстарды қараумен өтті. Жаман болса да қазақтікін қарау керек дейтіндей мазохист емеспін.

Жылдың цитатасы: өкінішке орай адамдарды цитаталап жүрмеймін көп

Жылдың үздік сайты: Google әрине

Жылдың ең үздік танысуы: Нұрберген Мақым мен Гастарбайтерді живойлай көріп, танысқаныма қуаншытымын

Жылдың үздік тағамы: жоқ

Жылдың үздік сусыны: Верони деген лимон қосылған минералка бар, сол жақсы

Жылдың үздік әсері: Әкелік сезімі. Соңғы 2 жылдағы ең үздік сезім. Әке болу – жауапкершілік. Ал баланың сені кім екеніңді, атақ-дәрежең қанша екенін, ақшаң қанша екенін, ештеңені білмей сені тек әкесі болғаның үшін жақсы көруіне ештеңе жетпейді.

Үздік кеш: Атыраудағы студент кезде бірге оқыған достарым маған қонаққа келген күн. Өкінішке орай мұндай күндер тек жылына бір ақ рет болады.

Осы жылда ашылған қызығушылық: Веб саласында бұрын істегендерімнен де күшті қылып істегім келеді. Осы болар қызығушылық.

Орындалмаған арман: армандамаймын тек реал нәрселерді жоспарлаймын.

Орындалған арман: армандамаймын тек реал нәрселерді жоспарлаймын.

Жылдың ең үздік орны: Биыл ашылған МЕГА сауда орталығы. Ішінде балаларға арналған үлкен ойын салоны бар, фастфудтың неше түрі бар, үлкен супермаркет және т.б пайдалы нәрселер.

Рухани өзіндік жаңалық: Интуициямды басқаруды үйреніп келе жатқан сияқтымын.

Үздік әнші: жоқ

Үздік ән: Көкжалдар мекені сериалындағы Мематидің әні

Үздік фильм: “Көкжалдар мекені – Тұзақ” сериалы әрине

Үздік актер/(актриса): Мемати роліндегі Гүркан Уйгун (Gürkan Uygun)

Үздік кітап: ешқандай кітап оқыған жоқпын

Ең керемет күн: Ақтөбе футбол командасы чемпион болған күн әрине

Жылдың әділетсіздігі: Мемлекеттік бағдарлама бойынша үй ала алмай қалғаным (просто уәде етіп қойып ед та жоғардағылар)

Ең керемет адам: менің ұлым әрине

Жылдың сыйлығы: “Ақтөбенің” “тобылды” 5-2 жеңуі. Чемпиондық та Еуропадағы сәтті ойындар да мұның жанында түк те емес. Бастысы қостанайдың “тобылын” 5-2 есебімен рахаттанып жеңдік. Бұдан кейін алаңсыз өле беруге де болады.

Керемет жаңалық: жылдың сыйлығы

Актобе – Тобол

Эстафетаны Ақзере қарындастан алып, салтанатты түрде Нұрғиса деген құрдасыма ұсынамын.

Сәлем әлем! Мүлдем жаңа блогыма қош келдіңдер!

Бұл блогты жақында ашылған Портфолиомның жазбаша түсініктемесі деп те қабылдауыңызға болады. Маған жиі қойылатын сұрақтар, жалпы сайт, интернет, вебдизайн туралы сұрақтар, шешімдер, пайдалы сілтемелер және жалпы интернет төңірегіндегі тақырыптар болатын болады.